壓力太大？！花17年追蹤研究　哈佛醫學院：減人工增患心臟病風險

近排成日都聽到有人講經濟唔好，唔少打工仔會開始擔心被公司凍薪或減薪.....

不過最近喺《JAMA Cardiology》期刊中發表嘅一份有關薪金調整與人身體狀況有關嘅研究報告。

Photo from jamanetwork.com

報告中指出薪金嘅調整有機會影響患上心臟病、中風等心血管疾病嘅機率！

Photo from Presslogic

依個報告係哈佛醫學院中一項用咗長達17年嘅研究，研究中指加薪可以令將來25年患心血管疾病嘅機率減少14%；而減薪就會增加中風及患心臟病嘅機率達17%。

Photo from Presslogic

研究自1987年開始直至2016年12月31日，研究人員於美國招募約1.5萬位不同種族嘅人，持續追蹤佢哋嘅薪金加幅及身體狀況。

參加者會被分為3批，第1批收入下跌50%，第2批收入保持不變或加薪少於50%，第3批則加薪超過50%。

Photo from Presslogic

而綜合17年嘅研究結果得出，參加者中有約10%人收入下跌，70%人收入保持不變，而有20%嘅人收入增加。

Photo from Presslogic

研究人員發現收入下降嘅人，出現心血管疾病（包括：心臟衰竭、冠心病、中風及心臟病發作等）嘅風險比收入不變嘅人高17%。而收入不變同收入增加嘅人相較，收入增加嘅人可減少14%患上心血管疾病。

Photo from presslogic

研究人員更指出收入下降，人就會出現經濟壓力，影響生活健康習慣，如飲食方面會因為價格嘅關係而選擇進食高卡路里食物。

Photo from Presslogic

另外，仲會可能因為壓力上升而出現抑鬱嘅情況，有人仲會為減壓而吸煙、飲酒等，導致增加患心血管疾病風險。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）